Бүгін, Қостанай және Қарағанды облыстарының жетекші мамандары мен сарапшылары қатысуымен квазимемлекеттік сектор қызметінде комплаенс қағидаттарын іске асыру тақырыбында өтпелі семинар-дәріс өтті.
Бұдан бұрын республика деңгейінде болмаған іс-шараға екі облыстың 500 ден астам комплаенс өкілдері қатысты.
​ Бейнеконференцбайланыс форматында қолда бар бизнес-процестерді оңтайландыру, шағымдармен жұмыс істеу, Мемлекеттік сатып алу, парақорлыққа қарсы іс-қимылдың халықаралық стандартын енгізу және т. б. мәселелер талқыланды.
Жоғары білім беру жүйесіндегі сыбайлас жемқорлыққа қарсы комплаенс туралы «Қарағанды медицина университеті» КЕАҚ комплаенс-офицері, Академиялық адалдық лигасының сарапшысы Александр Урмашов айтып берді.
Қостанайлық сарапшылардан өткен жылдың соңында құрылған «Сыбайлас жемқорлыққа қарсы волонтерлік» жобасының қатысушылары «Kamlitkz» ЖШС Комплаенс-офицерлері Анара Идильбаева мен «Қостанай Жылу энергетикалық компаниясы» МКК Талғат Кәкімов сөз сөйледі.
Кездесу соңында қатысушылар тәжірибе және практикалық білім алмасуда өңіраралық әріптестікті нығайтуға дайындығын атап өтті, сондай-ақ мұндай кездесулер дәстүрге айналып, мемлекеттік және квазимемлекеттік секторларды одан әрі кәсібилендіруге ықпал ететініне сенім білдірді.