Өткен жылы Қостанай қаласындағы Облыстық қан орталығының донорлары 1 020 000 теңге жинады! Қайырымдылық қорабы донорлар қан және оның компоненттерін тапсырғаны үшін төлемдер алатын кассаның жанында орналасқан. Көбісі бұл ақшаны өздеріне алмай, қайырымдылыққа береді. жылдан бері Облыстық қан орталығы жинақталған қаражатты «Алақандағы өмір» жобасының белгілі бір баласына беретін еді.

Биылғы жылы Ахметжан Ақнұрға көмек көрсетті. Акнұрға көмейдің стенозы, интубациядан кейінгі тарылу диагнозы қойылған. Сәби кезінде оның көзіне және өкпесіне бірнеше рет ота жасалған. Дәрігерлер қызға трахеостомия жасауға мәжбүр болды: тыныс алу үшін арнайы түтік қоюға. Ақнұрдың өкпесі тыныс алуға қабілетті болғанымен, қойдырылған түтік қыздың өздігінен сөйлеуіне және тыныс алуына жол бермей тұр. Түтіктен құтылу оңай емес жас балаларға мұндай оталарды жасауға барлық елдер келісе бермейді, тек Израильде ғана отаға келісім берді. Акнұрдың мектепке дейін сөйлеуді үйрену мүмкіндігі болуы үшін оған жедел түрде алдағы айларда отаны жасату керек, өйткені қайта қалпына келуі үшін отадан кейін де оған ұзақ уақыт қажет болады.

Облыстық қан орталығының басшылығы соманы жинауға қатысқандардың барлығына шын жүректен алғысын білдіреді, өйткені сіздер екі рет көмектестіңіздер – алдымен қан тапсырған кезде, екінші - кішкентай қыз Ақнұрға! Сіздердің жауапкершілік қасиеттеріңіз бен қолдауларыңыз біздің біріксек мықты болатынымызға және бір-бірімізге көмектесу арқылы көп нәрсені жеңе алатынымызға сенімділігімізді арттырады!