Қазақстан Республикасының Конституциясы күні қарсаңында облыстың медициналық ұйымдарында салтанатты іс-шаралар өткізу дәстүрге айналған. Бірақ эпиджағдайға байланысты, міне екінші жыл басшылар оны қашықтықтан өткізіп келеді.
Қостанай облыстық қан орталығында да - жергілікті радиобайланыс арқылы директордың м. а. М. Д. Дауменов қызметкерлерге құттықтау жолдады.
Ал бүгін бізге Қостанай қ. Ішкі істер басқармасының патрульдік полиция батальонының 40-тан астам қызметкері келіп, ерікті өтеусіз түрде донор болды.
Облыстық қан орталығының басшылығы мен ұжымы Қостанай қ. ІІБ қызметкерлеріне адамгершілігі мен кеңпейілділігі, донорлыққа қатысқаны үшін, барлық адамға тамаша үлгі болғаны үшін алғыс білдіреді!
Қостанай облысының барлық тұрғындарын мемлекеттік мерекемен құттықтаймыз!
Аман-сау болыңыздар!
