Облыстық қан орталығының мекен-жайына мұсылмандардың бір парызы - Оразаны ұстағандар қан тапсыруға бола ма деген сұрақтар келіп түседі.

Исламдағы оразаның ерекшелігі - тағам құрамы немесе оның мөлшері емес, тамақты ішу уақыты шектеледі. Бір ай бойы – Рамазан айында мұсылмандар тамақ пен суды ішіп-жеуден таң атқаннан күн батқанға дейін бас тартады. Википедияның мәліметтеріне сәйкес – «дәріні, таблеткаларды, инъекцияларды қабылдау (жоспарлы емдеуге қажетті пенициллин немесе инсулиннен басқа) және тіпті қан құю формальды түрде тағам ретінде қарастырылады».

Қазақстан Республикасының қолданыстағы заңнамасында қан тапсырушылар үшін абсолютті және салыстырмалы қарсы көрсеткіштер көрсетілген, алайда дәл осы ораза кезінде қан тапсырғысы келетіндер үшін ресми тыйым салу жоқ.

Бұл жағдайда донор болуға және адамдарға көмектесуге ниет білдірген әрбір адам бірінші кезекте өз қауіпсіздігі туралы ойлауы тиіс.

Сол нормативтік актілермен донорлық процедураны жүргізу ережелері қарастырылған, атап айтқанда кешкі асты ерте ішіп, процедураның алдында - тәтті шай ішу міндетті және емшара жүргізілгеннен кейін 3-3, 5 л кем емес сұйықтықты қабылдауға тырысу керек, сондай-ақ калориялық түскі ас ішу ұсынылады.

Сондықтан біз ораза ережелерін ұстанатын тұрақты донорларға қан беруден қалыс қалуды ұсынамыз. Алғашқы рет донор болғысы келетін адамдарға ораза аяқталғаннан кейін ғана Облыстық қан орталығына барып, ерікті көмекші болуға кеңес береміз.