Мемлекеттік қызметшілер өтеусіз қан доноры болады.

Мемлекеттік саясатты дәйекті түрде жүзеге асыру, өзінің іс-әрекеттерімен мемлекеттік биліктің беделін бекіту, қоғамның мемлекеттік қызметке деген сенімін сақтау және нығайту. Бұл талаптар «Қазақстан Республикасының мемлекеттік қызметі туралы» Қазақстан Республикасының Заңында көрсетілген және «Қостанай қаласының әкімдігі» ММ басшылығы мен қызметкерлерінің игі іс-әрекетіне толық көлемде сәйкес келеді.

Жыл сайын дәстүр бойынша «Қостанай қаласының әкімдігі» ММ қызметкерлері Мемлекеттік қызметші күніне орайластырылған «Істі кейінге қалдыра тұр - өмірді сақта!» көшпелі акциясын ұйымдастырады. Мұндай акция 2019 жылғы 21 маусым күні мемлекеттік мекеменің қызметкерлері үшін тағы өткізілді.

«Бұл акция адамдардың көпшілігі өз қанын өз еркімен және үнемі тапсыруына, зардап шеккендердің денсаулығын сақтауға көмектесуге шақыру болып табылады. Көп донор болса - құтқарылған өмір де көп болады!» - дейді Қостанай қаласы әкімі аппаратының басшысы Вера Витальевна Клочко.  Ал біз – дені сау адамдар да көп болады дегенді қосқымыз келеді. Донорлар - адамгершілік пен ақжүректікті көрсететін дені сау адамдар.

Денсаулықты сақтау оңай емес. Ал қан донациясы сияқты іс-әрекетке бару үшін моральдық және физикалық тұрғыдан дайындалу керек. Мемлекеттік қызметшілердің жұмысы аса зор зейінділікпен, жинақылықпен және шекті ұқыптылықпен байланысты. Дегенмен, донорларды жинақтау бөлімінің деректері бойынша акцияға қатысуға ниет білдірген адам саны 44 болды, олардың барлығы донор бола алмады, тек 31 адам ғана қан тапсыруға жіберілді.